Belarusda O'zbekiston Oliy Majlisi Qonunchilik palatasi deputatlari saylovida muddatidan oldin ovoz berish davom etmoqda
Belarus poytaxtida O'zbekiston Oliy Majlisi Qonunchilik palatasi deputatlari saylovida muddatidan oldin ovoz berish jarayoni tashkil etildi, deb xabar qilmoqda "Dunyo" AA muxbiri.
O'zbekistonning Minsk shahridagi elchixonasi huzuridagi 7-sonli saylov uchastkasida amaldagi qonunchilikka muvofiq joriy yilning 16-oktabridan buyon muddatidan oldin ovoz berish jarayonlari bo'lib o'tmoqda.
Unda saylov kuni ovoz berish imkoniga ega bo'lmagan O'zbekiston fuqarolari ushbu imkoniyatdan foydalanmoqda.
Belarus hududida muddatidan oldin ovoz berish jarayoni 23-oktabrga qadar davom etadi.