Belarus poytaxtida chim ustida xokkey bo'yicha "Eng kuchli sportchilar kubogi" xalqaro turniri bo'lib o'tdi
Minsk shahridagi Gorkiy nomidagi istirohat bog'i hududida joylashgan stadionda turnirning tantanali ochilish marosimi bo'lib o'tdi.
Erkaklar va ayollar jamoalari o'rtasida tashkil etilgan musobaqada Belarus, Rossiya, Belarus U-21, Rossiya U-21 va O'zbekiston terma jamoalari ishtirok etmoqda.
Musobaqaning asosiy bosqichi aylanma tizimda o'tkaziladi va har bir jamoa bir-biri bilan o'ynab chiqadi.
Jadvalda 1 va 2-o'rinlarni egallagan jamoalar 27-iyul kuni finalda to'qnash keladi. Uchinchi va to'rtinchi o'rinni egallagan jamoalar esa bronza medal uchun kurashni davom ettiradi.