O‘zbekiston TIV rahbari o‘rinbosari va Belarus elchisi konsullik-huquqiy masalalar va migratsiya sohasidagi hamkorlik istiqbollarini muhokama qildilar
O‘zbekiston tashqi ishlar vaziri o‘rinbosari Olimjon Abdullayev bugun Belarus elchisi Aleksandr Ogorodnikov bilan uchrashdi, deb xabar bermoqda “Dunyo” AA muxbiri.
TIV maʼlumotiga ko‘ra, muloqot davomida konsullik-huquqiy masalalar, shuningdek migratsiya sohasidagi hamkorlik, xususan shartnomaviy-huquqiy bazani shakllantirish, qo‘shma o‘quv va madaniy markazlarni tashkil etish masalalari muhokama qilindi.
Tomonlar o‘zaro hamkorlikni mustahkamlash muhimligini taʼkidlab, muloqotni yana-da rivojlantirishga tayyor ekanligini tasdiqladi.