Ўзбекистоннинг Беларусдаги Фавқулодда ва мухтор элчиси Нуриддин Мамажонов ва "Беларус Республикаси Тараққиёт банки" ОАЖ бошқаруви раиси Сергей Столярчук ўртасида амалий учрашув бўлиб ўтди.
Музокараларнинг асосий мавзуси олий даражада қайд этилган келишувларни кредит-инвестиция жиҳатидан қўллаб-қувватлаш бўлди. Томонлар ўзаро савдонинг 2 миллиард долларлик мақсадли кўрсаткичига эришиш учун молиявий механизмларни шакллантирди. Беларус техникаси ва юқори технологияли ускуналарини Ўзбекистон бозорига етказиб беришни молиялаштиришга алоҳида эътибор қаратилди. Томонлар йирик лойиҳаларни синдикатлаштирилган кредитлаш учун Ўзбекистон тараққиёт банкининг Ўзбекистоннинг етакчи молия институтлари билан тўғридан-тўғри алоқаларини мустаҳкамлашга келишиб олдилар.