Qoraqalpog‘istonda $7,6 mlrdlik loyihalar ishga tushirildi
Qoraqalpog‘istonda 592 million dollarlik 11 ta loyiha ishga tushirildi va 7 milliard dollarlik yana 47 ta loyiha qurilishi boshlandi.
Shavkat Mirziyoyev viloyatga tashrifi doirasida obyektlarni ishga tushirish va qurilish ishlarini boshlash marosimida ishtirok etdi.
So‘nggi yillarda Qoraqalpog‘istonda tadbirkorlik va investitsiyalarni jalb qilish uchun sharoitlar yaxshilandi. Respublikaning yalpi hududiy mahsuloti 2016-yildagi 8,5 trillion so‘mdan 2026-yil boshiga kelib 54 trillion so‘mdan oshdi. Xususiy sektorning ishlab chiqarishdagi ulushi 66 foizga yetdi, faoliyat yuritayotgan tadbirkorlik subyektlari soni 2,5 barobarga oshib, 26,5 mingtaga yetdi.
To‘qqiz yil ichida yuqori daromadli ish o‘rinlarini yaratish uchun viloyatga 5 milliard dollardan ortiq sarmoya kiritildi. 2026-yil oxirigacha xorijiy investitsiyalar hajmi 2,5 milliard dollarga yetishi kutilmoqda. Xorijiy va qo‘shma korxonalar soni 2018-yilga nisbatan 2,2 barobar ko‘payib, 271 taga yetdi.